*** الله يرحم الأيام ***
الله يرحم دي الأيام
كان تعليمنا كله تمام
علم وفن ونور وثقافة
سبقنا الدنيا بين الزحام
أدبا وعلما يبنوا حضارة
وعقول واعية تبني منارة
تحصد نوبل في كل مجال
ذرة وأدب وجنود جبارة
ورجال دين خرجوا من الأزهر
تشرح لينا ولدينا تفسر
تزرع فينا حب الخير
وتمحي أي فجر بيظهر
وفكر معلم كله إخلاص
عمره ما فرق بين الناس
يعلم جيلنا تاريخ أوطانه
ومكانه عالي وفوق الراس
شافوا العقل سر خطير
قالوا لا بد من التغيير
نملأ عقولهم بكلام فاضى
ويكونوا لينا عبد أسير
أفلام هابطة كانت أستيكة
تمحى فينا دنيا بريئة
وأغاني روك كمان فورتيكا
تعشق زيف بدل الحقيقة
والأخلاق دي موضة قديمة
سيبك منها دي حاجة عتيقة
دور شوف هتكسب إيه
ودوس ع الكل بخطوة جريئة
مسحوا كل شعور إنساني
خلونا ترس وإنسان آلي
كله بينهش لحم أخوه
ومنعرفش مين الجاني
نفسي مرة نفوق لحالنا
ونشوف إيه اللي بيجرالنا
ومين الرابح م التغيير
إلا ناس بتهد كيانا
***********************
بقلم / مصطفى كرم
تعليقات
إرسال تعليق