بيني وبينك عالم تاني
يمكن شوق
يمكن حلم
غيرة برقة
وساعات يمكن حب اناني
قالوا ده شاعر
مسجون مرة جوا حروفه
ولما يحس بغربته مرة
يعشق خوفه
ولما اوجاعه بتكتر حبة
تنزل دمعة
بس بتنزل مره في جوفه
اصل الشاعر لما يحس
قوام يتحس
يتذوق..يتجمل
تتباهي بمشاعره حروفه
هي ظروفك زي ظروفي
لما بخاف بحس بخوفك
بيني وبينك قلب صغير
محتاج ديما حضن يضمه
كل مايبعد عنك مرة
يرجع تاني يحن لامه
ولما يحس في لحظه بغربة
حرفه يحسه
يجري بسرعه برقه يلمه
بيني وبينك حاجات وحاجات
مرة احبك بصوت مسموع
ومرة سكات
مرة احسك شوق بدموع
ومرة اهات
عارفه حبيبتي بحس بايه
باني بحبك
وعشان حبك
هحبك اكترواكتر
علشان اللي بيني وبينك
عالم تاني
اول مرة اشوف المجني
هو الجاني
اول مرة احس بحرفي
شوق بمعاني
اول مرة احس بنفسي
لما بشوفك
احس باني انسان تاني
عالم تاني
مرة احبك حب ملايكه
ومرة احبك حب اناني
احمدعبدالحق
تعليقات
إرسال تعليق