القلب وصبره:
ياماخذ القلب وشاغل البال وصبره
سهر الليل غطى سواده جفن العين
تعال شوف غلاك ولاتتيه عن دربه
بكل خطوة تسمع أهات من الوتين
يهيم الحال ويسكر بلاكاس وخمره
مايعلم باللي جرى الله وهو المعين
كل بوح وقصيد أكتب مثل وعبره
لأجل قلبك يشتاق ويحس ويلين
بساتين شوقي لك صحاري قفره
تطلب الماي بلهفة وشوق وحنين
طريق وصلك عندي قصير وشبره
أطويه بهيام وحبله قاسي ومتين
ياسمر ليلي وكل نجمة بيه وقمره
الهنا دايم معاك والقلب لك عرين
يلب الحشا بطاريك ويشب جمره
بعز الشتا ينسى البرد ولا يستكين
لو كان للحرف صوت وبان ضمره
يبان لك العجب وتسمع أه وونين
ماحن قلبك من هالكلام وحبره
بكل نقطة منه لك حقيقة ويقين
ماراح أشكي لك ولاتبان العبره
أثرت يكون مخفي ويظل دفين
حان ختام البوح ياحالي وعمره
متى وصل خلي وعساه الحين
@المحامي عزالدين الحميري@
تعليقات
إرسال تعليق