الشوق اللى باقى
*****************
لملم الشوق اللى باقى ف الحياه
وأرمى للقلب اللى دايب طوق نجاه
واسأله مال صوت دموعه
أعلى ليه من صوت بكاه
ولملم النبض اللى باقى
المغروس ف الأرض الشراقى
اللى لا بترويه سواقى
وإن دارت العمر اللى باقى
ومهما دارت مش هيحيا
ولا عمره ها يعود للحياه
ولا عمره يبقى
على قلب باعه ما اشتراه
ايه هتاخده من الفراق
ومن الغياب غير عذاب
ليه بتقتل جوه منى الاشتياق
وتمزع الروح من غير حساب
بعد الفراق القلب مات
والكفن كان توب م السكات
والقبر اللى مبنى بذكريات
وكله حكايات
داس عليه بخطوة قدم
من غير ندم
عاش ف الوجود لكن عدم
وبكاه بدل الدمع دم
م/محمد بدوى أبوالعلا
تعليقات
إرسال تعليق