الضاع مو حلمنا
الضاع مو حلمنا
الضاع هو أحنا
جنا نشبه حلمنا
وحقيقتنا تشبه وجهنا
اليوم للأسف كولشي أختلف
مدري احنا مو أحنا
مدري ضيعنا دربنا
وماكو شي الي يلمنا
أي نعم تصافح الأيادي
وهذا شي كولش عادي
بس مو هذا غاية مرادي
لأن كلوبنا صارت بلون ليلنا
وبعيد صار فجرنا
وتغير علينا حتى ظلنا
عايشين كله بوهم ننتظر يرجع للحياة حلمنا الي مات
والحلم يكول لا عزاء ألمن جيتوا أنتوا لموتي إختاريتوا
والحقيقة مرة مرة ومرات هي بلا طعم
شنو الفايده تعرف الحقيقة والتغيير يصعب عليك
وتضطر تعيش بظلم
شنو الفايده تعرف الحقيقة وتكمل حياتك بحرب وانت تتمنى السلم
شنو الفايدة تعيش إنت مو أنت
ومن ترجع بشريط ذاكرتك تلكه نفسك عايش بوهم
ناس تملي عليك مسلمات حياتك
ناس تفرض عليك طلبات
وأنت تمد ايدك بالسلم تحقق رغباتهم هم تمشي مثل ما يريدون منك ولا كانك أنسان حر ويفتهم
حياتك تعيشها أنت
بس العشته انت كله عبارة عن وهم
حياتك مو عبارة عن فيلم يخرجها الي حولك
واذا انت بطل أخذ دورك
وصوب لكبد الحقيقة السهم
سعاد محمد /العراق
10/7 /2021
تعليقات
إرسال تعليق